Gaur eta atzoko zinegotziak herri galdeketaren alde

Errenteria-Oreretako hautetsi eta hautetsi ohien argazkia atera dute gaur goizean udaletxe aurrean

2017/03/11

Gaurko eta iraganeko hautetsiak elkartu dira Gure Esku Dago-ren galdeketa babesteko.

Errenteria-Oreretako hautetsi eta hautetsi ohien argazkia atera dute gaur goizean udaletxe aurrean. 1979tik udalbatzan izan diren alderdi guztietako zinegotziei gaurko ekitaldira deitu zaie. Gaurkoan, orain arteko eta gaur egungo EAJ, EH Bildu, Irabaziz, EA, Euskadiko Ezkerra eta IUko zinegotziak izan dira martxoaren 19an egingo den galdeketaren aldeko babes aldarria egiteko. PP eta PSE-EE izan dira herrian galdeketari babesik eman ez dioten alderdi bakarrak. Hala ere, PSE-EEko zinegotzi ohi bat pertsonalki gerturatu da, herriko enparantzan 11:00etan egin duten elkarretaratzera. Bertan, Gure Esku Dago-ren Adosguneko Xabier Oleaga kideak hitz egin du: “Indarrak batu nahi izan ditugu, gizarte zibiletik hasi behar garelako errealitatea aldatzen”. EAJko Garbiñe Oiarbide zinegotziak ere mezu bat helarazi nahi izan du gaurkoan: “Hemen errealitate nazional bat dagoela uste dugu eta galdeketa demokrazia festa bezala ulertzen dugu”. Eñaut Gracia, EH Bilduren zinegotziak, “demokraziaren alde gaudelako” elkartu direla esan du. “Demokrazia elementu fosilizatuan bihurtzea ekidin nahi badugu, herriari galdetu behar diogu”, gehitu du. Gainera, “gaur bi galdera babesteko” elkartu direla aipatu du, baina “bihar edozein galdera babestuko dugu, beti herriari galdetzen zaion bitartean”. PSE-EEtik Jose Angel Prieto ohiko zinegotzia gerturatu da. “Gauza ezberdinen inguruan galdeketa egitearekin ados nago. Independentziaren alde ez egon arren, herriak erabaki egin behar du” esan du. Hala ere, galdeketaren inguruan, “irekiagoa” eta “galdera gehiagorekin” egin beharko litzatekeela azpimarratu du. Errenteria-Oreretako Irabaziz hautesle elkargoko Ion Collar zinegotziak ere Demoarsoren herri galdeketaren inguruko hausnarketa elkarbanatu du: “Gure Esku Dago iniziatiba babesten dugu, herriari galdetu behar zaiolako zein etorkizun nahi duen”. Hurrengo martxoaren 19an egingo dute herri galdeketa Lezo, Pasaia, Oiartzun eta Errenteria-Orereta udalerrietan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gaur eta atzoko zinegotziak herri galdeketaren alde

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean