[Asteburuko emaitzekin] Allerruren esku dago mailaz igotzeko borrokan jarraitzea. Emaitzak aldeko izan ditu asteburuan, eta sailkapeneko bigarren jarri da.
Allerrukoak, Oreretako lau gazte atxilotuen alde agertu zirenekoan.
Mirari txikia asteburuan. Allerruren aldekoa. Allerru KEren gizonen taldeak 0-4 irabazi zuen asteburuan Irungo Mariñoren zelaian. Beharrezko garaipena. Baina lezoarren kontrario nagusi igotzeko borrokan, Trintxerpek, husna egin zuten azken aurreko den Rotetaren etxean. Hortaz: Allerruk sailkapen nagusian Ohorezko Erregional Mailara igotzeko kanporaketa jokatzeko ezinbestekoa den bigarren postua berreskuratu du, Trintxerperen kaltetan.
Horrela, hurrengo asteburuko lehian irabazten badu, ez du trintxerpetarren emaitzaren zain gelditu behar Allerruk igoera ahalbidera dezakeen bigarren postua eskuratzeko. Irabazten badu, play-offa jokatuko du Urolaren kontra. Eta irabazteko aukera asko dituzte lezoarrek, Plazetara, etxera, Behobia azkena, jada jaitsita, datorrelako. Allerruren esku dago arrakasta.
Azken partidan, baina, zaleak izan behar ditu ondoan taldeak. Eta izango ditu. Oraindik ordutegia konfirmatuta ez badago ere, litekeena da partida larunbat arratsaldean izatea, orduan jokatu duelako ia beti taldeak etxeko partidetan. Festa handia izan daiteke Plazeta, Urolaren kontrako kanporaketaren atarikoa edo.
Azken jardunaldi horretarako hainbat gako:
- Allerru eta Trintxerpe 60na punturekin berdinduta daude sailkapenean, baina lezoarrak bigarren dira eta trintxerpetarrak hirugarren, Allerruk bi taldeen artean gol average hobea duelako. Golen alde orokorra ere Allerruren aldekoa da.
- Allerruk ez baluke asteburuan irabaziko, eta Trintxerpek bai, Allerruk bigarren postua galduko luke. Lezoarrek berdinduko balute, eta pasaitarrek irabazi, Trintxerperena litzateke ere bigarren postua.
- Bi taldeek emaitza berbera lortzen badute (irabazi, berdindu edo galdu), Allerrurena litzateke igoera kanporaketa jokatzeko postua.
- Trintxerpek etxean jokatuko du azken partida, EAS08ren kontra (harmargarren dira, hamasei taldetik). Allerruk azkena den Behobiaren bisita jasoko du.
Bestalde, honakoak dira Lezoko taldeek asteburuan izan dituzten emaitzak:
FUTBOLA
Gizonen Erregional Preferentea
Emakumeen Erregionala, Kopa
Gizonen Lehen Erregionala, Kopa
- Allerru-Orereta Kafea 7-4
Gizonen Gazteen Ohorezko Maila
ARETO FUTBOLA
Gizonen Gipuzkoako Hirugarren Maila
- Zaldibia-Gaintxu AFT 2-7 (Liga bukatu dute)
ESKUBALOIA
Gizonen Gipuzkoako Kopa
- Munttarpe-Ormaiztegi 26-23
Emakumeen Gipuzkoako Kopa
SASKIBALOIA
Gizonen Gipuzkoako Hirugarren Maila (7-10 postuetarako ligaxka)
