Txistulariekin euritan dantzatu ziren... busti gabe

Txistularien Kontzertu Nagusia egin zuten atzo arratsean

2017/07/21

Alex Sarduik beste mota bateko musikariak izan zituen ondoan, baina ez zen igarri.

Gaur hasiko dira madalenak, baina Erromeria Egunaz gain, atzo izan zen beste aperitiborik. Txistularien urteko kontzertu nagusia egin zuten Gamon Zumardian. Txiki geratu zen plaza. Xabier Vesgak gidatu zituen Errenteria-Orereta inguruko txistulariak Zaria koru eskolako kideez lagunduta aritu ziren. Beste hainbat musikariren laguntza ere izan zuten. Aitor Gabilondo eta Nahiara Gagok egin zituzten aurkezle lanak. Lehenengo piezaren ondoren, atzoko gonbidatu berezia aurkeztu zuten: Alex Sardui. Gatibu taldeko abeslaria Ikusi Mendizaleak txistuarekin jotzen igo zen oholtzara. Hortik aurrera, Exkixu eta Gatiburekin sortutako kantak abestu zituen, txistulariak eta abesbatzakoak bakarrik aritu ziren piezekin uztartuta. Madalenetako protagonista nagusiek ere agertu ziren: Xanti eta Maialen erraldoiek eta buruhandiek. Guztiek Diana-ren koregrafia dantzatuz bukatu zuten. Gatiburen abestiak esaten duenari kontra eginez, ez ziren euritan dantzatu. Ea madalenetan horrela jarraitzen duen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.