[Galeria] Xanistebanetako mendatea igotzen hasi dira
Gaur hasi dira Oiartzungo festak; hiru txirrindulari ohik bita dute txupina
Txomin Perurenak eta Lasa anaiek izan dute suziria botatzeko ardura. 
Txomin Perurenak eta Lasa anaiek izan dute suziria botatzeko ardura.
Hasi dira 2017ko xanistebanak. 20:00ak inguruan herriko hiru txirrindulari ohik —Lartaun zikoturista taldeak proposatuta— bota dute Oiartzungo festei hasiera ematen dion suziria: Joxe Manuel eta Miguel Mari Lasa anaiek eta Txomin Perurenak. Azken horrek, gainera, bertso bat abestu du piroteknia piztu baino lehen.
Arratsaldeko lehen orduetatik sumatzen zen giroa. Herriko musikariak auzoz auzo ibili dura xanistebanak iristear zirela iragartzen. Done Eztebe plazan bukatu dute euren buelta. Ordurako, herriko plaza nagusia eta inguruak jendez lepo zeuden, suziria noiz botako zain. Lehendabizi, baina, eduki dute zer ikusi: Oiartzungo Udalbatzako kideek soka dantza dantzatu dute plazan. Aurten Demoarsoko kideak gonbidatu dituzte. Batzuk finago aritu dira, beste batzuk ez hainbeste; txalo zaparrada berbera izan da guztientzako.
Txirrindularitzarekin alderaketa eginez, gaur hasi xanistebanetako mendatea. Indarrak ongi neurtu behar dira, lehen zatian ez da dena erre behar: gaurko tarteak luze joko du, baina beste lau geratzen dira. 1974an Txomin Perurenak Frantziako Tourreko mendiko maillotaren erreleboa ea nork hartzen dion datorren igandean. Bitartean, unean unekoa gozatzera.
[EGITARAUA]
