Joan Frances Tisner eta Alan Griffin, Soinuenearen udazkeneko kontzertuan

Tisnerrek 'Trailhares' lana aurkeztuko du, eta Griffinek 'Halfway to hell'

2017/10/03

Joan Frances Tisner.

Urtaro berri batean sartzen den aldiro bezala, Soinuenea fundazioak kontzertua antolatu du udazkenari ongietorria emateko. Datorren larunbatean, hilak 7, izango da. Joan Frances Tisner okzitaniarra eta Gipuzkoan 30 urte bizitzen daramatzan Alan Griffin izango dira gonbidatuak. Tisnerrek Trailhares proiektua aurkeztuko du, bere taldekideekin batera. XIX. mendearen bukaeran eta XX. mendearen hasieran, Felix Arnaudin etnologoak Gaskoiniako Landetan ateratako argazkiak eta bildutako testuak dira proiektu horren ardatza. Ahotsaren erabilera bitxia du Tisnerrek, eta kantu tradizionalak elektroakustikarekin eta perkusioarekin nahasten ditu. Arnaudinen argazkiak proiektatuko dituzte zuzeneko emanaldian, baita atsotitzak, ipuinak eta liburuetako pasarteak ere. Alan Griffin izango da eguneko beste protagonista. Halfway to Hell (Infernura erdibidean) lana aurkeztuko du. Albokarentzako 333 lan —hortik izena— bildu ditu Griffinek, batzuk berak sortutakoak. Kontzertua 18:30ean hasiko da, Ergoiengo Auzokalte elkartean. Sarrerak 5 euro balio ditu, eta ondorengo afarirako 15 euro gehiago ordaindu beharko dira. Goizean, berriz, Gaskoiniako dantzak irakatsiko ditu Tisnerrek, arratsaldeko kontzertuan praktikan jartzeko. Arditurrin izango da, 11:30etik aurrera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Joan Frances Tisner eta Alan Griffin, Soinuenearen udazkeneko kontzertuan

Gipuzkoa

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik