Bi saio antolatu dituzte; Iratxe Retolazak gidatuko du bat, eta Ainara Lasak bestea
Virginie Despentesen ‘King Kong teoria’-ri buruzko tailerra emango du Ainara Lasak.
100TZE sormen espazioak bere jarduerekin jarraitzen du. Oraingo honetan, helduentzako tailerrak antolatu dituzte. Sormena landuko dute, noski, baina oraingoan genero ikuspegi batean oinarrituko da.
Ildo horretan, bi tailer antolatu dituzte abendurako. Hileko lehenengo egunean, Iratxe Retolazak
Irakurketa ariketak eta genero sorkuntzak izeneko ikastaroa emango du. Hainbat testu irakurriko dituzte tailerrean,
Genero-ariketak (EDO!, 2012) liburua oinarri hartuta.
Abenduaren 15erako, berriz, Ainara Lasak
King Kong Teoria aztertuz, argazki eta sormenaren bila tailerra emango du. Kasu horretan ere, liburu bat izango sormenaren iturburua: Virginie Despentesen
King Kong teoria (Eskafandra/Elkar, 2017).
Bi tailerrak dohainik izango dira, eta hiru ordu iraungo dute, 18:00etatik 21:00etara. Izena emateko azkeneko eguna hilaren 29a izango da. Horretarako, 652 70 15 53 telefono zenbakira deitu behar da, edo 100TZEren e-posta helbidera idatzi.