Euskal Herriko Biraren barruko 45. etapa antolatu dute iganderako (hilak 27), Leiretik Zangozara.
Trintxerpeko mendizaleak, talde argazkian.
Urtea bukatzen ari da eta urtearekin batera Trintxer Mendi Taldeko 25. urteurrena. Jardueren egutegia, hala ere, aurrera jarraitzen du, eta iganderako (hilak 17) Euskal Herriko Biraren barruko 45. etapako irteera antolatu dute, Leiretik Zangozara.
Ibilbideak 18 kilometro ditu guztira, eta antolatzaileek aurreratu dutenez lau ordu eta erdi inguruan osatuko dute. Etapa laburrago bat egiteko aukera izango da baita ere.
Urtea agurtzeko Zangozan bazkari eder bat egiteko asmoa dutela jakinarazi dute baita ere, eta otorduaren prezioa 18 euroko dela zehaztu.
Ohi bezala, izena ematen dutenek 07:30ean abiatuko dira autobusean, Azoka paretik. Antolakuntzak interesdunei ahalik eta azkarren
izena emateko eskatu die.
Argazki erakusketa
25. urteurrenari lotutako ospakizunekin bukatzeko argazki erakusketa antolatu du Trintxer Mendi Taldeak Trintxerpeko liburutegian. Taldeko historia laburbiltzen duen erakusketa da eta urtarrila bitartean egongo da ikusgai, biblioteka zabalik dagoen ordutegian.