[Galeria] Burrunba artean datoz ihoteak

Haurtzaro Ikastolakoek arratsaldean ospatu dute ihoteen jaia; ondoren, festa giroa plazara igo dute

2018/02/02

Ikastolako frontoian hasi da arratsaldeko festa.

Ihoteak hasteko gutxi falta denean, Haurtzaro Ikastolakoek festa handiaren aperitiboa eskaini dute arratsaldean. Eguraldiaren mehatxua zela eta, festa ikastolako frontoian egin behar izan dute. Berdin du: haurrek ederki pasatu ikuskizunarekin. Hori bai, bi txandatan egin behar izan dute: lehendabizi Haur Hezkuntza eta LHko Lehen Mailakoek gozatu dute ikuskizunarekin, eta ondoren gainontzekoek. Hori bukatuta, ikasleetako asko Beheko Plazako biribilgunera hurbildu dira, handik Done Eztebe plazaraino igotzeko. Danborrak eta soinua ateratzen duten beste gailu batzuk soinean zituztela, erdi dantzan, erdi instrumentua jotzen abiatu dira [behean dago bideoa; kontuz bolumenarekin]. Herriko plaza nagusian azkeneko burrunba sortu ondoren, txokolate beroa —eta biskoteak— jateko aukera izan dute. Indarrak hartu behar dituzte, onena —arratsaldekoa hobetu baldin badaiteke— laster etortzear dago eta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.