[Galeria eta bideoa] Elizalde Herri Eskolakoak hasi dira ihoteak berotzen

Goizean desfilea eta dantzak egin dituzte; eguraldiak

2018/02/02

Haurrek ederki pasatu dute goizean zehar.

Elizalde Herri Eskolako ikasleak bezala, eguraldia goizean ere ongi portatu da. Zeruari begiratu eta azken orduan erabakita, ikastetxeko haurrek desfilea egin dute zakuak jantzita. Ikastetxetik atera dira, eta Elorrondo kalean behera abiatu dira, asto, gurdi, traktore eta trikitilariek lagunduta. Elorrondotik ezkerrera egin dutenean, Erriberene kaleko autobus geltokiaren atzean ezkutuan zeuden aurpegia estalita zeuden zakuz jantzitakoak atera dira, haurrak xaxatzera. Beraiekin batera igo dute Arraskuelarre kaleko aldapa, eta Aialde kalean, Arizmendi-enea etxeko lorategian sartu dira. Segizioa loditu da, etxeko baratzetik atera diren sorginekin. Desfilea plazan bukatu dute, azken egunetan entseatutako dantzekin, ikastetxera bueltatu aurretik. Han gosea berdindu dute, hamaiketakoarekin, eta Elorsoro kiroldegira abiatu dira gero, dantza gehiago egitera. Beraientzako hasi dira ihoteak. Gaur ateri egon bada ere, eta momentuan erabaki duten arren, aurreikuspenarekin jokatu dute iganderako. Karroxaren desfilea egin beharrean, Elorsoron topatuko dira. Ordua ez da aldatuko; 11:00etan hasiko da festa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.