Urteko lehen odol ematea asteartean egingo dute

2017an aurreko urtean baino odol poltsa gutxiago jaso zituzten; odol emaileen elkarteak herritarrak animatu ditu,

2018/02/16

Odol emaile beteranoek zein izan nahi dutenek zita dute asteartean.

Datorren asteartean, hilak 20, Oiartzungo odol emaileek urteko lehenengo zita izango dute. Herriko anbulatorioan, 18:00etatik 20:00etara, eman ahal izango da odola. Oiartzuarrak, bereziki gazteak, animatu dituzte, odola eman dezaten. Izan ere, 2017an zehar, 2016an baino hamahiru odol poltsa gutxiago jaso zituzten. “Denok, orain edo bihar, odol beharra izango dugu”, esan dute. Horregatik, hasiera ona eman nahi diote urteari. Aurreko odol ematea abenduaren 19an egin zuten. 42 lagunek eman zuten odola, horietatik bik lehen aldiz. Honakoak dira saio horretako datuak, odol klasetan eta kopuruan banatuta:

O+: 17.
O-: 7.
A+: 12.
A-: 3.
B+: 3.
B-: 1.
AB+: 0.
AB-: 0.

Bi hilabetean behin ateratzen diete odola, eta urte osoko egitaraua zein izango den jakinarazi dute: apirilaren 24a; ekainaren 19a; abuztuak 21; urriak 23; eta abenduak 18.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.