Haurtzaro Atletismo Taldeak eta Euskadiko Kirol Egokituko Federazioak antolatu dute txapelketa, Elorsoron
Elorsoroko kantxan jarriko dituzte probak.
Haurtzaro Atletismo Taldeak eta Euskadiko Kirol Egokituko Federazioak elkarlanean, Euskal Herriko Slalom Txapelketa antolatu dute larunbaterako. Euskal Herritik zein Kantabriatik etorritako kirolariak elkartuko dira Elorsoro kiroldegian, 16:00etatik aurrera.
Kalte funtzionalen bat daukaten kirolariei zuzenduta dago slaloma. Garun paralisia edo burmuineko kaltea duten pertsonek egiten dute, gurpildun aulkian. Desgaitasun fisikoren bat duten pertsonek ere parte har dezakete.
Slalomak mugikortasunarekin lotutako hainbat trebezia praktikan jartzen laguntzen du. Birak, abiadak, zehaztasuna eta trebetasuna, kronometratutako probak eta espazio eta denbora pertzepzioa dira trebezia horiek. Mugikortasun gutxi dutenentzako dagoen kirolik aberasgarrienetakoa da.
Elorsoro kiroldegian iaz beste proba baten aterpe izan zen. Gipuzkoako Txapelketa jokatu zuten, eta Ane Asensio Telletxea oiartzuarra nagusitu zen.