Oiartzungo palistek Herriarteko finala jokatuko dute ostiralean

Partida bat irabazi eta bestea galdu arren, finalerako txartela lortu dute Txostekoek; esku huskakoak aisa nagusitu dira

Erik Gartzia Egaña

Oiartzun

2018/06/04

Oiartzuarrak Altzako frontoian izango dira igandean.

Datorren igandean jokatuko da Herriarteko pala txapelketako finala, eta oiartzuarrak han izango dira. Pasa den ostiral goizean lortu zuten txartela, Donostian, Madalensoroko obrengatik han jokatu behar izan zutelako. Lazkaoko palistak izan zituzten aurrez aurre. Larruzko paletan 35-27 gailendu ziren Ezkerro eta Argote. Beste partida, berriz, Aizpuru eta Irigoienek 35-40 galdu zuten. Kontuak kontu, Oiartzun ordezkatzen duten Txosteko pilotariak final handian egongo dira, merezimendu osoz. Altzan jokatuko dituzte partidak, ostiralean, 19:00etan hasita. Derbia izango da, gainera: Errenteria-Oreretako palistak izango dira arerio. Bi taldeek goierritarrak gainditu ondoren, Gipuzkoako —eta Oarsoaldeko— palista onenak nortzuk diren erabakiko da. Esku huskakoak, erraz Herriartekoan Oiartzun ordezkatzen duten pilotariek, berriz, bikain hasi zuten final laurdenetako fasea. Joaneko partidak jokatu zituzten ostiralean, Oñatin, eta nagusitasun osoz irabazi zituzten. Kadeteetan lau tantotan utzi zituzten txantxikuak, Gazte Mailan bostetan eta seniorretan izan zen partidarik lehiatuena (12-22). Oiarpe elkarteko euren taldekideek beste txapelketetan izandako emaitzak ikusteko, berriz, sakatu esteka honetan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Oiartzungo palistek Herriarteko finala jokatuko dute ostiralean

Gipuzkoa

Gipuzkoako zahar etxeetako langileek «propaganda» egiteari uzteko eta baliabideak jartzeko eskatu diote aldundiari

Donostiako Udalak 502 milioi euroko aurrekontua aurkeztu du 2027rako, %1,2 handiagoa

Tsai Ming-Liang zinemagilearen erakusketa bat ireki du Tabakalerak, ibili ahala inguruari erreparatzeko

Pasaiako portuan saihesbide bat egitearen alde agertu dira alderdiak, titulartasunaren gatazkak gorabehera

30 urte bete ditu Eibarko Portaleak, eta «erakusketa handi bat» hartuko du ostiraletik aurrera

Hasi dira Escalerillas eraisten

Bihar irekiko dute Morlansko tunela, oinezkoentzako ere atonduta