Udalekuetan lehenengo astean egindakoa bideoan jaso dute
Haur Hezkuntzako eta Lehen Hezkuntzako taldeek egindakoak jaso dituzte, bideo banatan; bigarren astean sartu dira gaur
Abaraxkak eta Oiartzungo Udalak antolatzen dituzten udaleku irekiak bigarren astean murgildu dira. Haur Hezkuntzako eta Lehen Hezkuntzako ikasleek osatutako 38 talde daude aurtengo udalekuetan, bi txandatan banatuta.
Lehenengo astean egindako jarduerak bi bideotan jaso dituzte, oroimenean gordetzeko. Txikienak dantzan eta jolasean aritu dira, eta Zirku Egunarekin eta piraten abordaiarekin gozatzeko aukera izan dute. Helduagoek Elikako lurrak bisitatu dituzte, dramatizazio tailerrak egin dituzte, baita kometak askatu ere, besteak beste.
Irakurtzen jarraitu baino, onena bideoak ikustea izango da. Gozatu!
