Arditurriko Bide Berdearen barrena festa egingo dute

Hilaren 16an zazpigarren aldiz ospatuko dute Arditurriko Bide Berdearen Eguna; bizikleta martxaz gain, hainbat jarduera egingo dira meategi ohien inguruan

Erik Gartzia Egaña

Oiartzun

2018/09/06

Bizikleta martxa egingo dute Arditurriraino.

Arditurriko mea eramaten zuen trenbide zaharraren gainean eraikitako bide berdearen eguna izango da irailaren 16koa. Zazpigarren aldiz ospatuko dute, eta Oiartzungo meategi ohietatik urruti hasiko dira. Bizikleta martxa bana aterako da Oiartzungo Done Eztebe plazatik eta Errenteria-Oreretako Gamon Zumarditik. 10:00etan irtengo dira biak ala biak,nahiz eta ordu laurden lehenago egotea gomendatu duten. Bide berdetik joango dira Arditurriraino. Antolatzaileek nabarmendu dutenez, bide erraza da; beraz, edozeinek egiteko modukoa. Hori bai, haur zein helduek kaskoa eraman beharko dute. Pedaletatik harago Behin Arditurrira iritsita, haiek aparkatzeko gordailua egongo da. Bi gurpilekoan joaten direnek, hamaiketakoa dohainik izango dute, mokaduak bukatu arte. . Meategia prezio murriztuan bisitatzeko aukera egongo da goizean zehar, eta bisita txartelarekin seg-wayen ibil daiteke hala nahi duenak. Horrez gainera, hainbat jolasetan parte hartzea eskainiko dute: zinta karrerak, herri kirolak, jolasak bizikletarekin eta abar. Gainera, trial erakustaldi bat egingo dute 13:30etik aurrera. Hiru irundar hauek izango dira protagonista: Iker Rodriguez (Euskadiko trial txapelduna 2016ean), Unai Gomez (2017ko Gipuzkoako trial txapelduna) eta Julen Gomez (2017ko Gipuzkoako trial txapelketako bigarren saria). Oiartzungo Udalak eta Gipuzkoako Parketxe Sareak antolatu dute hilaren 16koa, baina izan dira laguntza lanetan parte hartu duten eragile gehiago: Lartaun zikloturista elkartea, Girizia eta Ttak. Gainera, Euskadiko Trialsin Federazioa, Leurtza Abenturak eta Gurpil Artea elkarteak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Arditurriko Bide Berdearen barrena festa egingo dute

Gipuzkoa

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten