XXXI. Prosa eta Poesia Lehiaketarako lanak aurkez daitezke

8 eta 18 urte arteko ikasleei zuzenduta dago; aurten sari banaketa abenduaren 4an egingo dute, Xabier Leteren heriotzaren urtemugan

Erik Gartzia Egaña

Oarsoaldea

2018/09/20

Iazko sari banaketa.

31. urtez jarraian, Oiartzungo Udalak Prosa eta Poesia Lehiaketa antolatu du. 8 eta 18 urte arteko oiartzuarrek —edo herrian ikasten dutenek— euren lanak aurkez ditzakete, urriaren 30era arte. Udaletxeko harreran edo euskara zerbitzuan entregatu beharko dira. Lanek argitaragabeak izan behar dute, eta euskaraz. LH 3 eta 4 mailetako ikasleek izan ezik, gainontzekoek ordenagailuz idatzi beharko dituzte euren lanak. Gaia librea izango da, baina idazterakoan baldintza batzuk bete beharko dituzte: A4 neurrian, 1,5 lerroartearekin eta Arial 12 letra eta tamainan. Luzerari dagokionez, prosan gutxienez bi orrialde eta gehienez hiru izango dituzte lanek. Poesian, berriz, 24 lerro gutxienez eta gehienez, bi orrialde. Lanaren kopia aurkeztu beharko dituzte. Lanaren lehenengo orrialdean izengoitia jarri beharko dute eta kanpoan izengoitiarekin identifikatutako beste kartazal batean honako datu pertsonal hauek: izengoitia; izen-abizenak; ikasmaila eta adina; ikastetxea; helbidea eta telefonoa. Data aldaketa Aurten sari banaketa abenduaren 4an —asteartearekin— egingo dute. Izan ere, egun horretan beteko dira zortzi urte Xabier Lete hil zela. Guztira, hogei sari banatuko dituzte, 50 euro eta 120 euro artean. DBH 3 arte liburu eta materialetan gastatzeko txartelak jasoko dituzte sarituek. DBH 3tik 18 urte artekoek, berriz, esku-dirua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

XXXI. Prosa eta Poesia Lehiaketarako lanak aurkez daitezke

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik