Euskal Herriko Pala Txapelketa Irekiko emaitzak (2019-02-12)
Pasa den asteburuan 11 partida jokatu zituzten Madalensoro pilotalekuan. Oreka handia egon zen partida gehienetan, eta horietako bi tanto batengatik erabaki zen.
Zutik, Ormaetxea, Txoperena, Maiz epailea, Lekuona eta Landa. Makurtuta, Aranjuelo, Urbieta, Berho eta Goñi. Giriziak antolatzen duen pala txapelketak aurrera jarraitzen du. Pasa den asteburuan 11 partida jokatu zituzten Madalensoron, eta gehienak nahiko orekatuak izan ziren. Lehenengo Mailari dagokionez, lau norgehiagoka jokatu zituzten.
Batean ez zen polemikarik falta. Zehazki, Irigoien eta Almandoz nafarrek Arrizabalaga eta Lizarralderen aurka irabazi zutenean (25-24). Partida luzea eta erritmo handian jokatutakoa izan zen. Azken momentuan erabaki zen, epailearen hanka sartzen baten ondorioz.
Bigarren Mailan berriz, hiru partidu jokatu ziren eta Txoperena-Ormaetxeak, Berho-Goñik eta Luixa-Luluagak bere lana ondo egin ondoren ez zuten arazorik izan, hurrenez hurren, Landa-Lekuona, Urbieta-Aranjuelo eta Kasper-Amiano bikoteei irabazteko. Honakoak izan ziren emaitza guztiak (datorren asteburuko partidak ikusteko, egin klik hemen):
Lehen Maila
- Irigoien – Almandoz / Arrizabalaga – Lizarralde: 25-24.
- Arregi – Erleaga / Larralde – Zapirain: 25-16.
- Errasti – Urdanpilleta / Inda – Gastesi: 25-20.
- Arriaga – Unda / Leonardo – Madariaga: 25-11.
Bigarren Maila
- Txoperena – Ormaetxea / Landa – Lekuona: 25-18.
- Urbieta – Aranjuelo / Berho – Goñi: 17-25.
- Luixa -Luluaga / Kasper -Amiano: 25-12.
Hirugarren Maila
- Lozano – Ferreiro / Arruti – Esoain: 25 – 19.
- Garbisu – Martinez / Iraola – Laamirni: 25-24.
- Bidegain – Ojer / Ekain – Silanes: 25-8.
- Pujana – Pagoaga / Gurrutxaga – Arrieta: 14-25.
