Hauteskundeei begira bi bulego zabaldu ditu PSE-EEk
Braunen eta Itzieta-Ondartxon daude bulegoak eta astelehenetik ostiralera goizez eta arratsaldez izango dira zabalik, eta larunbatetan, goizez.
PSE-EEk Beraunen hauteskundeei begira zabaldu duen lokala aurkeztu zuen atzo. Argazkia: PSE-EE Hauteskundeei begira bi bulego zabaldu ditu alderdi sozialistak. Herriko Etxean hauteskundeen zein posta bidezko bozkaren gaineko informazioa emango die herritarrei, eta gauza bera egingo du Beraun (Galtzaraborda kalea 61) eta Iztieta-Ondartxon (Donostia kalea 16) zabaldu berri dituen bulegoetan. Herritarrengana hurbiltzeko zabaldu dituztela bulego horiek esan du alderdi sozialistak, “merezi duten arreta eskaini eta gure proiektuaren parte egiteko”.
Bulegoetan gainera, ideia eta proposamenak jasoko dituztela gero udalera zein PSE-EEren hauteskunde programara eramateko nabarmendu dute. Bi bulegoen gaineko kopapenari ere egin diote erreferentzia, “udalean dezentralizazio politika babestu dugu, eta horregatik zabaldu dugu bulegoa Beraunen. Iztieta-Ondartxoren aldeko apustua egiten dugu gainera, horregatik kokatu dugu bigarren bulegoa auzo horretan. Auzo enblematikoa izan da, potentzial handikoa, eta bizitza ematen dioten eta merezi duen itxura duina emango dioten politikak egin behar dira bertan”.
Bulegoak astelehenetik ostiralera goizez eta arratsaldez izango dira zabalik, eta larunbatetan goizez.
