Aurresku eta soinu zahar txapelketaren kanporaketa egingo dute igandean
Elizalde Dantza Taldeak dantza txapelketa antolatu du igande goizerako, Elorsoro kiroldegian. Irati Arsuaga eta Maddi Iradik ordezkatuko dute etxeko taldea.
Urtero bezala, Elizalde Dantza Taldeak —udalaren laguntzarekin— Soinu Zahar eta Aurresku Txapelketari dagokion saioa egingo du 2019 urte honetan. Datorren igandean, hilak 10, izango da txapelketa, Elorsoro kiroldegian.
Kanporaketa faseko saioa izango da, eta Elizalde Dantza Taldeko bi ordezkari egongo dira bertan: Maddi Iradi eta Irati Arsuaga. Kanporaketari dagokion dantza saioa 10:30ean hasiko da.