[GALERIA] Oiartzunen goiz-goizetik planto
Oiartzungo Feministen Asanbladak antolatuta, auto karabana egin dute herriko auzo guztietatik; kolore morea nagusi herriko txoko guztietan.
Jendetza bildu da goizean Mamut merkataritza gunean. Goiz jaiki dira gaur Oiartzungo emakumeak. Jendetza bildu da 8:00etan Mamut merkataritza gunean, auzotar guztiak esnatzeko prest. Auto karabana egin dute herriko auzo guztietatik, kolore morea nagusi herriko txoko guztietan. 10:00etan berriz, photocall feminista egingo dute, eta eguerdiko manifestaziorako materiala sortzen ariko dira Done Eztebe plazan.
Asanbladatik jakinarazi berri dutenez, Lintziringo gasolindegian arazoak izan dituzte zenbait emakumek. Ertzaintza azaldu da, eta isuna jarri diote autoren baten jabeari. Tentsio uneak izan direla diote; ‘Gora borroka feminista’ oihuak entzun dira. Auto karabanarako baimena izan arren, Asanbladatik diote ez diotela isuna kendu.
Honakoa da datozen orduetarako Oiartzungo Feministen Asanbladak antolatu duen egitaraua:
- 12:00etan: Manifestazioa, Kapitalismo heteropatriarkalari planto! Bizitzak erdigunera lelopean, plazatik.
- 14:00etan: Bazkari autogestionatua, plazan.
- 16:00etan: Musika, plazan.
- 19:00etan: eskualdekomanifestazioa, Errenteria-Oreretan.
Ikusi goizeko agitazioan HITZAk bildu duen irudi sorta:
