[Galeria eta bideoa] Errenteria-Oreretako kaleak afororik gabe gelditu dira
Milaka emakume atera dira kalera, manifestazioan. Herri erdiguneko kaleak ia kolapsatu ditu mobilizazioak. Bukatzean, sektorekako irakurketa egin dute.
Zumardia leporaino bete da. Milaka eta milaka emakume. Tanta moreen uholde bat ibili da Errenteria-Orereako kaleetan zehar. Kontuan hartzeko: manifestazioaren hasiera Biteri kalean, Otaño burdindegiaren parean, zegoenean, atzealdea Koldo Mitxelena eskola parean zegoen. Bitarte horretan, Iztietatik pasatuz, hamarnaka bandera more, arrosa eta beltzek apaintzen zuten mobilizazioa.
Bukaeran, Gamon Zumardian, dezente itxoin behar izan dute, denak plazan sartzeko. Bukatzean, mikrofonotik, banan-banan, Euskal Herrian mobilizazioak egin dituzten udalerrien zerrenda esan dute. “Orereta” esatean etorri dira oihuak. Irakurketa orokorraren ondoren, hainbat arlotako lagunek beren egoeraren testigantza eman dute: jubilatuek, etxeetako langile migranteek, ikasleek, garbialdietakoek eta erresidentzietako langileak.
Manifestazioa katartikoa izan den arren, eguna ez da bukatu. Orain bazkaltzeko tartea hartuko dute, eta arratsalderako honako egitaraua prestatu dute:
- 15:30ean: Tribial Feminista karpa feministan.
- 17:00etan: informazio banaketa erdialdeko kaleetan; arratsaldean zehar, berriz, kartel eta pankarta tailerra antolatu dute egindako horiek manifestazioan erabiltzeko.
- 19:00etan: manifestazioa Herriko plazatik abiatuta, Oarsoaldeko manifestazioa izango da azken hori.
- Ondoren, Afari autogestionatua, karpa feministan. Afariaren ondoren, Grebaren aztarnak: mikrofono irekia.
