Larre Planaren berri emango dute larunbatean
Iaz egindako mendi-lanen berri emango dute batzarrean, eta aurtengo beharrak zeintzuk diren zerrendatuko dituzte. Bibliotekan elkartuko dira.
Oianleku izan zen iaz garbitu zuten tokietako bat. Larre Plana Oiartzungo mendien mantenua eta garbitasuna helburu duen plana da. Oiartzungo Udaleko, Gipuzkoako Foru Aldundiko eta Oiartzungo Ganaduzaleen Elkarteek elkarlanean antolatuta, Larre Planari buruzko batzarra egingo dute datorren larunbatean, hilak 30. Manuel Lekuona bibliotekan elkartuko dira, 10:30ean.
Bertan azalduko dute iaz zein lan egin ziren (hemen irakur daiteke laburpen txiki bat). Gainera, aurten zein behar dauden aipatuko dituzte. Udaleko, aldundiko eta ganaduzaleen elkarteko ordezkariak izango dira bertan.
