EH Bilduk osatu du udal hauteskundeetarako zerrenda
Jexux Leonet izango da zerrendaburua, eta bere ondoren Eneritz Arbelaitz egungo alkateordea joango da. Lehenengo bederatzi postuetan aurpegi berriak daude.
EH Bilduren udal hauteskundeetarako plantxa. Jakina zen Jexux Leonet Oiartzungo alkateak kargua berritzea bilatuko duela maiatzaren 26ko hauteskundeetan. Jakitea falta zena zen bere atzetik zein joango zen EH Bilduren zerrendan. Koalizioaren hauteskunde batzordeak izenak proposatu zituen, eta asteburuan onartu dute hautagaien zerrenda, Internet bidez egindako bozketan. Aho batez onartu dute.
Zerrenda osatzerakoan, Oiartzungo EH Bilduk oreka bilatu du, auzoen artekoaz gain, pertsona horiek datozen esparruena. Gainera, egun gobernu taldeko kide diren zinegotzi batzuei aurpegi berriak batu zaizkie. “Hasitako proiektuari jarraikortasuna eman nahi izan diogu eta talde profesionala eta anitza osatu dugu, azken 4 urteetan lortutako esperientzia eta indar berriarekin uztartuaz”, esan du EH Bilduk. Aurpegi ezagunak direla gaineratu dute: “Oiartzun ongi ezagutzen dute, herriko hainbat mugimendutan ibili baitira: kulturgintzan, euskalgintza, mugimendu feministan, auzoko elkarte eta festetan, pentsiodunen taldean, mugimendu ekologistan, kirol munduan…”. Aurten, zerrenda osatzerakoan, lan extra izan dute, hamahiru zinegotzi beharrean hamazazpi aukeratuko baitira, herriaren erroldak 10.000 biztanleren langa gainditu baitu.
Hilaren 2an onartu zituzten datozen lau urteetarako plangintza. Honakoa izango da aurrera eramango duen taldea.
Hautagaiak
- 1. Jexux Leonet Elizegi. Elizalde. 51 urte. Mekanikaria CAF enpresan. Azken 4 urteetan Oiartzungo alkatea izan da.
- 2. Eneritz Arbelaitz Sarasti. Altzibar. 32 urte. Biologian lizentziatua. Azken 4 urteetan Oiartzungo alkateordea izan da.
- 3. Agustin Lekuona Irastorza. Karrika. 46 urte. Ingeniari teknikoa mekanikan.
- 4. Olaia Lasa Olaziregi. Ugaldetxo. 32 urte. Gizarte hezitzailea eta psikopedagogoa.
- 5. Jon del Olmo Larrañaga. Elizalde. 30 urte. Ingeniaritzan doktorea. Unibertsitate irakaslea eta ikerlaria.
- 6. Iosune Cousillas Aramendi. Gurutze. 48 urte. Haur Hezkuntzako irakaslea.
- 7. Josu Delgado Rozas. Gurutze. 53 urte. IRALEko irakaslea.
- 8. Olga Leibar Mendarte. Elizalde. 64 urte. Jubilatua. Mugimendu feministako kidea.
- 9. Enekoitz Markos Azpiroz. Ugaldetxo. 32 urte. Enpresa zientzietan diplomatua.
- 10. Haizea Saez de Eguilaz Perez. Iturriotz. 22 urte. Euskal Filologian graduatua.
- 11. Goratz Gezala Etxeberria. Arragua. 29 urte. Elektronikan goi mailako heziketa zikloa. Tren gidaria Euskotrenen.
- 12. Arrosa Lizaso Azpiroz. Gurutze. 48 urte. Administraria.
- 13. Jexux Saavedra Lekuona. Ergoien. 45 urte. Elektrikaria.
- 14. Onditz Uharte Susperregi. Iturriotz. 41 urte. Dendaria.
- 15. Aitor Puertas Marin. Altzibar. 31 urte. Diseinatzailea.
- 16. Marian Delgado Saldaña. Arragua. 60 urte. Dendaria.
- 17. Joxe Mari Iturriotz Oñatibia. Ergoien. 62 urte. Irungo euskaltegiko irakaslea.
Ordezkoak
- 1. Koikile Arruabarrena Lekuona. Iturriotz. 57 urte. Haur Hezkuntzako irakaslea.
- 2. Dabid Elgeta Azpillaga. Altzibar. 46 urte. Garraiolaria.
- 3. Mari Jose Arbelaitz Gelbenzu. Iturriotz. 73 urte. Jubilatua.
- 4. Ramoni Mendiburu Iturain. Altzibar. 59 urte. Dendaria.
