Zilarrezko ekonomia, Inspiraekintzaileak egitasmoaren azken mintegia
Inspiraekintzaileak egitasmoaren azken jardunaldiak zilarrezko ekonomiari lotuta egingo dituzte, maiatzaren 14 eta 21an, Donibaneko Juanba Berasategin.
Adinekoek ere badituzte ekintzailetza egitasmoak. Oarsoaldea Garapen Agentziaren Inspiraekintzaileak egitasmoa azken geltokika iritsiko da maiatzaren 14 eta 21ean. Aurreko hiru saioen ondoren, oraingoan, zilarrezko ekonomiari buruzko jardunaldiak egingo dituzte bi egun horietan Pasai Donibaneko Juanba Berasategi aretoan. 14an jardunaldia egingo dute (14:30-16:30) eta 21ean horri lotutako tailerra (15:30-19:30).
Zer da bada zilarrezko ekonomia? Europan, 55 urtetik gorako pertsonek eragiten duten kontsumoa, kontsumo osoaren herena da. Batez ere, botiken, altzarien eta teknologia berrien sektoreak dira sektore horren kontsumoa batzen dituzten alorrak. Oarsoaldean, biztanleriaren %35 da 55 urtetik gorakoa, eta herritar horiek independente izaten jarraitzea da, eta bide horretan lan aukerak sortzeko baliabideak badituzte. Hori da zilarrezko ekonomia, adinekoek ekonomian eragiteko duten gaitasuna bai kontsumitzaile, ekintzaile edo sortzaile bezala.
Hilaren 14ko jardunaldian, zilarrezko ekonomian adituek euren esperientziak partekatuko dituzte, joerak eta aukerak aztertuko dira. Hala, sortu nahi duten enpresa, negozio edo enplegu ereduaz mintzatzeko aukera izango da, sektore horretan arrakasta izan duten adibideak aurkeztuz.
Hilaren 21eko saioa, tailerra, praktikoa da. Tailer esperimentala izango da (doan). Ekintzaileek dituzten ideiak banaka eta taldeka jaso eta landuko dira, 14ko saioan jasotako esperientzietan oinarrituta. Negozio eredu eta logikak definituko dituzte, baita horren ildo nagusiak identifikatu ere.
Zilarrezko ekonomian oinarritutako bi jardunaldi horietan izena emateko epea zabalik dago. Hemen hori egiteko loturak:
