Oiartzungo Saskilagunek garaipenarekin bukatu dute denboraldia
Alde Zaharrari irabazi diote azkeneko partidan. Miren Tabernak eta futboleko mutilen talde nagusiak dira liga bukatzeko falta direnak.
Oiartzungo Saskilagunek liga bukatu dute. Pixkanaka bukatzen ari dira Oiartzungo taldeek parte hartzen duten lehiaketak. Aste honetan, Oiartzungo Saskilagunen lehenengo taldearen txanda izan da. Alde Zaharra azkeneko sailkatuari dezenteko aldearekin irabazi diote, etxean. Liga bederatzigarren postuan bukatuko dute, Errotaundik asteburuko partida ez badu irabazten.
Bi talde falta dira atseden hartuko dutenen zerrendara pasatzeko. Oiartzun futbol taldeko mutilen talde nagusiari hiru jardunaldi falta zaizkio liga bukatzeko. Miren Tabernari, berriz, asteburu honetakoa eta beste bat.
Futbola
Gizonen Erregional Ohorezko Maila
- Oiartzun-Hernani: bihar, 16:15ean, Karla Lekuona futbol zelaian.
ARETO FUTBOLA
Gizonen Gipuzkoako Hirugarren Maila
- Barrantol-Miren Taberna: bihar, 17:30ean, Tolosako eskolapioetan.
SASKIBALOIA
Gizonen Gipuzkoako Lehen Maila
- STL Azkune-Oiartzungo Saskilagunak: gaur, 20:00etan, Donostiako Santo Tomas Lizeoan.
