Pala txapelketako finalerdiak zehazten ari dira
Gizonen artean, finalaren atariko fasean egongo diren lehenengo bi bikoteak zehaztu dituzte. Leire Galdosek azken jardunaldiari itxoin beharko dio.
Euskal Herriko Pala Txapelketa Irekia azkeneko fase erabakigarrian dago, bai mutiletan zein nesketan. Gizonen artean, bi final laurden jokatu dituzte asteburuan; Gurrutxaga eta Arrieta elgoibartarrak eta Iraola eta Laimirni tolosarrak izan dira aurrera egitea lortu dutenak.
Finalerdien bila ari dira neskak ere bai, nahiz eta oraindik ligaxka jokatzen ari diren. Oiartzuar bakarra —Leire Galdos— ari da jolasten, eta asteburuko partida galdu zuen Murua bikotearekin batera. Datorren jardunaldiko norgehiagoka irabazi beharko dute finalerdietara pasatu nahi badute.
Larunbatean, 08:15etik aurrera, argituko da dena. Galdosez gain, beste bi oiartzuar ariko dira finalerdikoen bila: Arizmendi eta Arbelaitz. Beraien kasuan, gizonen Hirugarren Mailan lehiatzen ari dira (ikusi hemen datorren asteburuko kartelera).
Gizonen Hirugarren Maila
- Garbisu – Martinez / Gurrutxaga – Arrieta: 10-25.
- Agirre – Mendigain / Iraola – Lamirni: 17-25.
Nesken hirugarren jardunaldia
- Galdos – Murua / Balerdi – Albeniz: 22-25.
- Eizmendi II.a – Urdangarin / Lasarte – Eizmendi I.a: 25-22.
- Agirre – Erasun / Iturriotz -Arrillaga: 23-25.