Elizaldeko hezkuntza komunitateak bere festa ospatuko du igandean
Ikasturte bukaera hurbil denez, Ellizalde Herri Eskolako eta Institutuko ikasle, langile eta senideek egun osoko festa izango dute igandean.
Ea, iaz bezala, eguraldiak laguntzen duen. 2018/2019 ikasturtea azkeneko egunetan dago. Horregatik, urtero bezala, Elizalde Herri Eskolako eta Institutuko hezkuntza komunitatea osatzen dutenek festa handia ospatuko dute datorren igandean, hilak 19. Egun osoko egitaraua prestatu dute, eta saiatu dira adin guztien gozagarri izan daitezkeen jarduerak antolatu dituzte. Familia guztiak gonbidatu dituzte igandean ikastetxeko eremura hurbil daitezen.
Horrez gain, gogorarazi dute Euskal Eskola Publikoaren festako materiala salgai egongo dela egun osoan zehar. Makina bat taupada lelopean ospatuko da, Errenteria-Oreretan, datorren ekainaren 2an. Bestalde, bihar —ostirala— arratsaldean, Elizalde Herri Eskolako ikasleek antzerki saioa eskainiko dute udaletxeko pleno aretoan, 17:00etan hasita. Toki berean, Elizaldeko Oihartzunak kontzertua emango du, 20:00etan hasita.
Egitaraua
- 09:30ean: Diana trikitilariekin.
- 09:45ean: Krosa.
- 10:30ean: Eskolako ateak irekiko dira familiarentzat. Horrekin batera, judo erakustaldia eta xakea.
- 11:30ean: Euskal dantza.
- 12:00etan: Emanaldi nagusia*. DBH4koen agurra eta HH2koen etorrera. Hasieratik bukaeraraino ikustea eskatu dute.
- 13:30ean: Umeen bazkaria.
- 14:00etan: Helduen bazkaria.
- 17:00etan: Dantzaldia.
*Eguraldi txarra eginez gero (eta hala iragarri dute), ikasleen emanaldi nagusia Elorsoro kiroldegian izango da. Eskolako gelak bisitatzeko aukera 10:30etik 12:30era bitartean izango da.
