Ane Asensiok zilarrezko bi domina lortu ditu Espainiako Slalom Txapelketan
Ostadar Inklusioa taldeko oiartzuarrak zirkuitu kronometratuan eta bakarkako kanporaketan lortu du domina, Prat de Llobegraten.
Ane Asensio, dominaren lorpena ospatzen. Ane Asensiok bere domina bilduma handitzen jarraitzen du. Pasa den asteburuan Prat de Llobegraten (Katalunia) Espainiako Slalom Txapelketa jokatu zuten, eta han izan zen atleta oiartzuarra, Ostadar Inklusioa taldeko kideekin batera.
Paper oso ona bete zuen oiartzuarrak, eta zilarrezko bi domina eskuratu zituen. Bata, zirkuitu kronometratuan, eta bestea, bakarkako kanporaketan. Lasarte-Orian egoitza duen taldeak zortzi domina lortu zituen guztira. Pozik egoteko moduko lana egin zuten, beraz.
