Etxera iritsitako botoekin arazo txiki batzuk izaten ari dira Oiartzunen
Espainiako Kongresurako eta Senaturako papertxoak berandu iritsi zirela eta, herritar batzuk nahasi egin dira. Bestela, normaltasuna nagusitu da.
Momentu bat ilarak sortu dira Elizalde Herri Eskolan. 09:00etan ireki dituzte Oiartzungo hauteslekuak, normaltasun osoz. Herritarrak hurbildu ahala hasi dira arazo txiki batzuk nabaritzen. Izan ere, Oiartzunen, Correos ez zen garaiz ibili Kongresuko eta Senaturako papertxoak etxeetara bidaltzen, eta gaur ari dira herritar batzuk horiek modu okerrean erabiltzen. Beraz, ongi begiratu behar da bakoitzaren aukera zein den. Bestela, ez da aparteko ezer gertatu.
Bi hautagai nagusiek —Jexux Leonetek eta Rafael Bergaretxek— goizean eman dute botoa. Jeltzalea botoa ematen topatu du Hitzak. Euria erruz bota du momentu batzuetan, eta agian parte hartzeari galga jarri dio. 14:00etan emango dute lehen parte hartze datu ofiziala.
