[Bideoa eta galeria] Handia izan da
Giro paregabean uztartu dute festa eta aldarrikapena Euskal Eskola Publikoaren Jaian. Hurrengo urtean, Bastidak hartuko du lekukoa.
Makin abt taupada elkartu dira Errenterian Euskal eskola Publikoaren alde. Anitza eta koloretsua. Halakoa izan da Euskal Eskola Publikoaren Jaia, Euskal Eskola Publikoa beraren antzera, eta festa giroan aldarrikapenerako tartea hartu dute antolatzaileek eta Errenteria-Oreretara hurbildu diren ehunka lagunek. Arratsaldean ere, goizean bezala paregabea izan da giroa eta ez da falta izan non gozatu.
Lehen balorazioa egin berri du EHIGEk. Arrakastatsua izan dela gaurko jaia esan du, milaka pertsona hurbildu direla Errenteria-Oreretara eta aurreikuspenak bete egin direla. Janari guztia amaitu dela ere esan du; irabaziak Zaporeak elkartearentzat izango dira osorik.
EAJ, EH Bildu, Elkarrekin Podemos, eta PSEko ordezkariak; LAB, Steilas eta CCOO sindikatuko kideak, eta HEIZE, NIZE, Kontseilua, AEK, Eskola Inklusiboa, eta Ikastolen Elkarteko ordezkariek ere hartu dute parte irekiera ekitaldian.
Azken kontzertuak oraintxe hasi dituzte eta gutxi barru amaituko da mimoz, ilusioz eta batez ere lan handiz Koldo Mitxelena ikastetxeko Koldokide guraso elkarteko kideek, Oarsoaldeko gainontzeko ikastetxe publikoen laguntzarekin antolatu duten eguna. Arrastoa utzi nahi zuten eta zalantzarik ez da, gaurko jaiarekin utziko dute. Handia izan da.
