Irail Lartzanguren pasaitarrak Urruzuno Gehituz literatura saria jaso du
Lartzangurenek idatzitako `Elurraren justizia´ lanari aipamen berezia egin dio epaimahaiak. Idazle batekin bost eguneko egonaldia egiteko aukera izango du gazteak.
![](https://oarsoaldea.hitza.eus/site/files/2019/06/liz_9369-1200x801.jpg)
Gazte arloko prosa atalean saritu dute Irail Lartzangurenen lana, aipamen berezia eginez. Hala ere, Urruzuno saria ez da Elurraren justizia-k jaso duen lehen garaikurra, lan berak Pasaia-Lezo Lizeoko Trastamintxo literatura lehiaketa irabazi baitzuen.
Lartzanguren Batxilergoko lehen mailako ikaslea da Pasaia-Lezo Lizeoan. Ikastolak, ikasleari esker ona adierazteaz gain, Elurraren justizia argitaratu berriko Txanpa Literarioan irakurgai dagoela jakinarazi du.