Ekitaldiz betetako arratsaldea izango da gaurkoa
Dantza, musika eta antzerkia izango gaur arratsaldeko kultura egitarauaren osagaiak. Udaburuko suaren entsegua, atzeratuta.
Heltako gitarristak izango dira menu kulturaleko azkeneko platera [Arg.: Heltako gitarra taldea] Gaurko arratsaldea ekitaldiz beteta etorriko da. Aspertzeko aukerarik ez da egongo, behintzat. Gainera, ekitaldi gehienetan gazteak izango dira protagonista.
17:00etan, eurentzako sukaldaritza ikastaroa egingo dute Labore Oarson. Ordubete beranduago, udaletxeko pleno aretoan, Oiartzungo Gazteen Antzerki Eskolako bi ikasle taldek antzezlan bana jokatuko dute: Lagun kuadrilla eta Egun arraro bat.
19:00etan, dantza eta musikaren artean aukeratu ahal izango da. Landetxe plazan, Hiru, Bi, Band! eta Amaita Swingen kontzertua emango dute. Done Eztebe plazan, berriz, Elizalde Dantza Taldekoak ariko dira. Emanaldi horrekin ez kointziditzeko, Udaburuko sua prestatzeko entsegua astebete atzeratu dute; hilaren 14an eta 21ean elkartuko dira, herriko plaza nagusian.
Ordu horretan bertan, herriko gazte talde bat Kataxulo Gaztetxian bilduko da, xanistebanetako Gazte Eguna prestatzeko.
Eta azkenak, adinean aurrerago joan direnak izango dira. Heltako gitarra ikasleek kontzertua emango dute udaletxean, 20:30ean hasita.
