Xanistebanetan tiratzeko entrenatzen hasiko dira, hilaren 24an
Nesken sokatira entrenamenduak udako igerilekuetako lokalean egingo dituzte. Astean lautan egingo dituzte saioak, festak iritsi arte.
Bi aste barru bukatuko da itxaronaldia. Xanistebanetako ezinbestekoetako bat da Artaso elkarteak urtero antolatzen duen sokatira txapelketa. Aurten ere, bertan parte hartuko duten neskek entrenamendu saioak egingo dituzte, hilaren 24an hasita.
Udako igerilekuko lokalean geldituko dira, astelehenetik ostegunera, 19:30etik aurrera. Jakinarazi dutenez, entrenamenduak lau egunetan jartzearen arrazoia da aukera gehiago ematea, norbaitek lanarengatik-edo ezingo balu joan.
Xanistebanak iritsi bitartean elkartuko dira neskak, pixkanaka hobetzen joateko.
