Errenteriako gizonaren heriotza eragin duen erasoa gaitzetsi dute Donostian
Donostiako Udalak deitu du elkarretaratzea, eta bertako alderdi politiko guztietako ordezkariek hartu dute parte Alderdi Ederren egin duten elkarretaratzean. bertan izan dira halaber, Errenteriako alkate Aizpea Otaegi eta Errenteriako EH Bildu, PSE-EE, eta Elkarrekin Podemoseko ordezkariak.
Atzoko elkarretaratzearen irudi bat. Argazkia: Donostiako Elkarrekin Podemos Errenteriako 61 urteko gizonaren heriotza eragin duen erasoa gaitzetsi dute gaur eguerdian Donostian. Donostiako Udalak deitu du elkarretaratzera, eta bertako alderdi politiko guztietako ordezkariek hartu dute parte Alderdi Ederren egin duten elkarretaratzean. Bertan izan dira, halaber, Aizpea Otaegi Errenteriako alkatea eta Errenteriako EH Bildu, PSE-EE, eta Elkarrekin Podemoseko ordezkariak.
Igandean izan zen gertakaria Donostiako Gros auzoko Mirakruz kalean 10:00etan. Eraso ostean, lurrean zauri larriekin aurkitu zuten 61 urteko gizona emergentzia zerbitzuek, eta Donostia Ospitalera eraman zuten. Igandetik garun heriotza egoeran zegoen errenteriarra eta atzo arratsaldean zendu zen. Donostiako Udaltzaingoak eta Ertzaintzak ikerketa abiatu dute erasotzailea atxilotu eta erasoaren arrazoiak jakin asmoz. Momentuz ez dago atxiloturik.
Atzo bertan gizonaren heriotzaren berri izan bezain pronto sare sozialen bidez elkartasun eta berotasun guztia helarazi zien hildako herrikidearen senide eta lagunei Aizpea Otaegi alkateak, eta erabat arbuiatu zituen horrelako erasoak.
