Lokala finantzatzeko babes ekonomikoa eskatu du Bekoz Bekok
Emakumeen lokalak eragindako gastuei aurre egiteko, San Fermin kamiseta bat diseinatu dute. Prezioa sinbolikoa da eta etekinak autogestiora zuzenduko dituzte.
Ondoan, Bekoz Beko elkarteak diseinaturiko kamisetak. Bekoz Beko elkarteak autofinantzaketaren bitartez osatzen du bere aurrekontua. Hortaz, hainbat ildo eta iturrietatik eskuratzen dituzte diru sarrerak.
Emakumeen lokalak hainbat gastu eragiten ditu —Antxoko Zumalakarregi kalean dago— eta Bekoz Beko, estu dabil ekonomia arloan. Baina funtsezkotzat dute emakumeen lokala zabalik mantentzea, “Pasaiako emakume guztien” lokala baita kideen esanetan.
Espazio fisikoak alor ezberdineko kurtso, tailer edota hitzaldiak antolatzea ahalbidetu die. Gainera, emakumeak bildu eta antolatzeko duten gune fisikoa da. Hori guztia dela eta, diseinatu berriko San Fermin kamisetak, lokala finantzatzeko beste iturrietako bat baino ez da. Lokalean bertan daude salgai, prezio sinboliko baten truk.
