Saskibaloira Kurkubirekin jokatzeko aukera, zabalik
Lezoko Kurkubi saskibaloi taldeak hurrengo urterako taldeak osatu nahi ditu, eta horretarako izena emateko aukera zabaldu du.
Kurkubiren azken sasoiko taldeetako bat. Lezoko Kurkubi Saskibaloi Klubak zabalik du hurrengo sasoian bertan jokatu nahi dutenentzako izena emateko aukera. Hainbat talde sortu nahi dituzte, aurtengoak baino gehiago. Honakoak dira plazaratu dituzten aukerak, mutilentzat eta neskentzat:
- 2001 urtetik gorakoentzat, Senior Mailako taldea.
- 2002-2003 urteetan jaiotakoentzat, Junior Mailako taldea.
- 2004-2005 urteetan jaiotakoentzat, Kadete Mailako taldea.
- 2006-2007 urteetan jaiotakoentzat, Haur Mailako taldea.
- 2008an, edo geroago jaiotakoentzat, Eskola.
Horietakoren batean izena eman nahi dutenei, erraztasunak eman dizkiete Kurkubikoek, hainbat bide jarri dituztelako:
- Telefonoz edo WhatsAppez: 647 10 13 65 zenbakira deituz edo idatziz.
- Posta elektronikoz.
