Hezkidetzan formatuko dira udalekuetako begiraleak
Ostiral eta larunbatean egingo dute saioa, eta egingo duten bigarren urtea izango da. Hezkuntza parekidea bermatzeko metodoa da.
Uztailean izango dira udaleku irekiak. Udaleku irekietan lanean ariko diren 41 begiraleek hezkidetza formazio saioak jasoko dituzte, hilaren 21ean eta 22an. Abaraxka ludotekan egingo dituzte formazio saio horiek.
Iaz egin zuten tailerra lehenengo aldiz, udalaren Feminismo eta Gazteria sailek sustatuta. Bertan parte hartu zuten hamazazpi hezitzaileek sakontze saioa egingo dute, eta gainontzeko 24ek, berriz, oinarrizkoa.
Hezkuntza parekidea
Hezkidetza hezkuntza parekidea bermatzeko metodologia da, banakotasunean, sexuak baldintzatu eta mugatu gabe, askatasunean heztea oinarri duena.
Ostiralean eta larunbatean egingo dituzten tailer horien helburua da udalaren udalekuetako irekietan lan egingo duten hezitzaileek hezkidetzaren oinarrizko ezagutzak jasotzea. Hezitzailearen paperaren garrantziaren eta udalaren programazioaren bueltan hausnartzen lagunduko diete printzipio horiek, jarrera hezkidetzaileak izateko baliabideak jasoz.
