Erraldoiak dantzatzeko tailerra egingo dute arratsaldean
Herri Musikaren Txokoan egingo dute tailerra. Neguan egin zituzten erraldoi txikiak dantzarazten ikasiko dute.
![erraldoi txikiak oiartzun](https://oarsoaldea.hitza.eus/site/files/2019/06/46604916694_23a0bca7f3_c.jpg)
Neguan zehar Herri Musikaren Txokoak eta Abaraxka ludotekakoek elkarlanean egin dituzten erraldoi txikiak gaur astinduko dituzte berriro. Izan ere, erraldoi horiek dantzarazteko tailerra egingo dute Soinuenean, 16:30ean hasita.
Helburua da xanistebanetan egingo duten erraldoien topaketan parte hartzeko entseatzea. Abuztuaren 4ko zita baino lehenago beste behin elkartuko dira, Ergoienen baita ere: uztailaren 27an egingo dute bigarren entsegua, 11:00etan hasita.
Bi kasuetan, Anaitz Arozena izango da musikaria eta Jesus Garciak erakutsiko ditu dantza-pausoak.