Xoxolur Mendi Klubaren sasoiko azken irteera, asteburuan
Xoxolur Mendi Klubak bi eguneko irteera antolatu du astebururako. Larunbatean aterako dira, gaua Azabaratzan pasa, eta igandean bazkaria.
Azabaratzan lo egingo dute larunbatetik igandera. Sasoiko azken mendi irteera egingo du Lezoko Xoxolur Mendi Klubak asteburuan. Ez da edonolakoa gainera: larunbatean atera, eta Jaizkibelgo Azabaratzan gaua pasatzeko asmoa dute, igandean bazkariarekin bukatzeko denboraldia.
Irteera larunbateko (ekainak 29) 09:00etan abiatuko da Ijurkotik. Jaizkibel aldean gaua pasa, eta igandeko bazkaria Uztarrin egingo dute. Bazkarirako tiketak Orki tabernan daude salgai ostegunera arte (hilak 27). Txangoa doan da, baina bazkaria ordaindu beharrekoa da: helduen txartelen prezioa 17 eurokoa da, haurrena 7koa.
Informazio gehiago nahi duenak Xoxolurren posta elektronikora mezua bidal dezake.
