Osa, Otermin, Aguayo eta Gomez izango dira barrutietako ordezkariak
Pasaiako Udalak, barruti bakoitzeko zinegotzi ordezkarien izenak ezagutzera eman ditu. Loreto Osa izango da ordezkaria Donibanen, Nahikari Otermin San Pedron, Jorge Aguayo Trintxerpen eta Izaskun Gomez bera, Antxon.
Nahikari Otermin izango da San Pedroko zinegotzi ordezkaria PSE eta EAJk erdizka banatu dituzte barrutiko zinegotzien ordezkaritzak Pasaian. Jeltzaleek Donibane eta eta San Pedron izango dute ordezkaritza, Nahikari Otermin, Pasaiako EAJren burua, San Pedroko ordezkaria izango da datozen lau urteetan. Sanjuandarren izenean ordea, Loreto Osa arituko da.
PSEk Jorge Aguayo izendatu du Trintxerpeko ordezkari. Pasai Antxon bestalde, izendapen ofizialik egin ezean, Izaskun Gomez bera izango da Antxoko barruti ordezkaria udalean.
Alderdi bakoitzak bi barruti jaso ditu, baina populazioari dagokionez, banaketa ez da proportzionala izan. PSEk populazio gehien duten bi barrutien ordezkaritza eskuratu du, beraz, pentsa daiteke haien eragina handiagoa izango dela.
Alkateordeak
Alkateordetzak ere, PSE eta EAJren arteko akordioaren ondorio dira. PSEko Lore Suarez izango da Pasaiako lehen alkateordea eta Nahikari Otermin bigarrena. Hau da, PSEk alkatetza zein udaleko lehen alkateordea bereganatu ditu, baita populazio gehien duten barrutien ordezkaritzak ere.
