Gaur botako dute Altzibarko festen suziria
Sanpedroetako ekitaldi gehienak gaur hasiko dituzte, txupinazo eta pintxo potearekin. Auzotarrek zein Altzibartik kanpokoek izango dute non gozatu.
Pasa den igandean suaren bueltan arrats polita pasa ondoren, festa giroak jarraipena izango du gaur Altzibarren. 18:30ean botako dute txupina, eta igandera arte ekitaldi sorta prestatu du Altzibarko jai batzordeak. Hona hemen emaitza, parte hartu nahi izanez gero:
Hilak 27, osteguna
- 18:30ean: Festei hasiera emateko suziria eta traka mundiala. Ondoren, txistulariak eta buruhandiak eta erraldoiak auzoko kaleetan zehar. Haurrentzako puzgarriak doan jarriko dituzte.
- 19:30etik 21:30era: Pintxo potea txosnan eta Alaska, Albistur eta Irundarrene tabernetan.
Hilak 28, ostirala
- 16:30ean: Streetbasket 3×3 txapelketa, 16 urtetik gorakoentzat, Agerreladeko kantxan. Talde bakoitzeko lau jokalari. Antolatzailea: Gazteleku. Sariak: Albistur jatetxean bazkaria txapeldunentzat eta, txapeldunordeentzako, termetarako sarrerak.
- 18:00etan: Buruhandiak, dultzainen doinuen laguntzaz.
- 20:00etan: Elkarretaratzea, dultzainen laguntzarekin.
- 20:30ean: Herri afari-merienda plazan: tortilla jatea (bakoitzak berea eramanda) eta sardina jatea (dohainik, bukatu arte). Mariskada bat eta beste hainbat sari zozkatuko dituzte.
- 23:00etan: Dj Nemus, tortilla eta sardinak jaisten laguntzeko.
- 00:00etan: Kontzertuak, Gaztelekuko txosnan: A tiro limpio, The Matxukambo 24/7, Goflow eta Karaoke Punk.
Hilak 29, larunbata
- 10:30ean: Altzibarko Haur eta Gaztetxoentzako X. Duatloia, bidegorriko sarreratik. Lau kategoria: benjamin txikiak (6-8 urte), benjaminak (8-10 urte), alebinak (10-12) eta Haur Maila (12-14). Bizikleta eta kaskoa norberak berea eraman beharko du.
- 12:00etan: Toka txapelketa, plazan. Sariak: 1. Gazta eta ardo botila. 2. Bi ardo botila.
- 14:00etan: Jubilatuen bazkaria Bazkun Zahar Berri elkartean.
- 14:00etan: Paella jatea Albistur jatetxean. Tiketak aurretik erosi behar dira, Albisturren bertan.
- 16:30ean: XXXV. Truk Txapelketa, Altzibarko Esku Garbia elkartean. Izen ematea ordu laurden lehenago itxiko da, eta bikote bakoitzak 12 euro ordaindu beharko ditu. Sariak: txapela eta mariskada txapeldunentzat; arkume bat eta bi ardo botila txapeldunordeentzat; bi txuleta eta bi oilasko hirugarrenentzat; bi ardo botila eta bi oilasko. Errepeska: Bi langostino kaxa eta bi ardo botila lehenengoentzako, eta bi langostino kaxa bigarrenentzako.
- 16:30ean: Futbolin txapelketa, Alaska tabernan. Sariak banatuko dituzte.
- 17:30ean: Buruhandiak, trikitilarien laguntzarekin.
- 18:00etan: Danborreroen txupinazoa eta potea, Olaldetik hasita. Txarangak lagunduko ditu.
- 19:00etan: Altzibarko harren eta helduen danborrada, Olaldetik hasita.
- 21:30ean: Afaria, plazan: oilaskoa, hanburgesak, ogitartekoak…
- 00:00etan: Zezensuzkoa, plazan. Ondoren, Bide Batezekin dantzaldia.
- 00:00etan: Dj festa Gaztelekuko txosnan.
Hilak 30, igandea
- 09:00etan: Diana.
- 11:00etan: Euskal dantzak eta muxikoak, Haurtzaro Dantza Taldearen eta Heltaren eskutik.
- 12:00etan: Altzibarko pintxo txapelketa, haur eta helduentzako. Partaide bakoitzak pintxo bakoitzeko bost mokadu eraman beharko ditu. Haurrek gurasoen laguntza jaso dezakete. Sariak: bi lagunentzako bazkaria Albistur jatetxean (helduentzat) eta kopa (haurrentzat).
- 12:30ean: Pintxo txapelketako sari banaketa.
- 14:00etan: Plazan bazkaltzeko aukera.
- 17:00etan: Haur jolasak eta txokolate jatea, Klarene plazan. 19:00ak aldera, apar festa eta ur gerra, Olaldeko plazan.
- 18:30ean: Aizkolariak: Xaguerrekako Ttakalo, Axel Larrañaga, Jon Larrañaga eta Markel Zapiain.
- 20:00etan: Afaltzeko aukera plazan.
- 21:30ean: Musika, Tolosa ahizpekin.
- 22:30ean: Festekin bukatzeok traka mundiala.
