Txostek egun osoko pala jaialdia prestatu du biharko

9 eta 16 urteko palisten topaketa egingo dute goizean eta arratsaldean. 22 urtez azpiko eta senior mailetako Gipuzkoako finalak jokatuko dituzte Madalensoron.

Erik Gartzia

Oiartzun

2019/06/28

Txost pilota elkarteak pala topaketa antolatu du biharko, larunbata. Goizez zein arratsaldez arituko dira pilota erremintarekin astintzen.

Topaketan 9 eta 16 urte arteko palistek hartuko dute parte, Gipuzkoako hainbat txokotatik etorritakoak, baina baita Gasteizko Adurtza klubeko 25 bat gazte ere bai. 10:30etik aurrera, ikastolako frontoian zein Madalensoron ariko dira pilota jokoan.

Eguerdian denek elkarrekin bazkaldu ondoren, 15:30ean berriro ekingo diote lanari. Haur eta gaztetxoak zaharragoen telonero lanetan ariko dira. Izan ere, Txostek antolatzen duen pala txapelketako finalak jokatuko dituzte 17:00etatik aurrera. Zehazki, modalitate hauetan neurtuko dituzte indarrak: 22 urte azpiko paleta larruz eta senior mailako banakako pala motzean. Honakoak izango dira norgehiagokak:

Paleta larruz 22 urte azpikoak

Estefano (Oiartzun) – Rekondo (Hernani) / Mutuberria (Irun) – Gaviña (Gasteiz).

Banaka pala motzez seniorrak

X. Ibarguren (Lazkao) – Vigeon (Landak).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.