Jokin Mitxelenak Nekatoenean egonaldia egingo du
Sortzaile oiartzuarrak arkatzak eta errotulagailuak idazmakinarengatik aldatuko ditu. Lau asteko egonaldia egingo du Hendaian, Puka txakurraren abenturak idazteko.
Jokin Mitxelena. Hendaiako Nekatoeneak sortzaileentzako egonaldiak eskaintzen ditu. Aurten, literaturan, Jokin Mitxelena oiartzuarra hautatu dute, udazkenean lau astetako egonaldia egin dezan.
Mitxelena ilustrazioaren munduan aritzeagatik da ezaguna, baina orain margoak alde batera utzi eta idazluma hartuko du. Puka izeneko txakurrari buruzko abenturak idatziko ditu. Pasai Donibanetik ihes egingo du txakurrak, eta Hendaiara bitarteko bidean bizitako abenturak idatziko ditu.
Nekatoeneko egonaldiaren bederatzigarren ekitaldia izango da. Egitasmoa antolatzen dute Euskal Kultur Erakundeak eta Euskal Idazleen Elkartea, baita epaimahaia osatu ere. EKEk finantzatzen du.
