Udarekin batera, zinema kalera
OzZinemak lau film emanaldi antolatu ditu, bi hilabete honetan eta beste biak abuztuan, herriko lau plazatan.
'Horman erlojua duen etxea' aukeratutako filmetako bat. Udarekin batera OzZinemaren udako zinema saioak heldu dira. Laugarrenez antolatuko du zineklubak udako zinema kalean eta horretarako, herriko lau plaza aukeratu ditu. Ostiralean helduko da lehen emanaldia. Pontika auzoan izango da 22:00etan hasita, eta Superlopez filma aukeratu dute. Hurrengo hitzordua hilaren 19an jarri dute ordu berean, baina Koldo Mitxelena plazan: Horman erlojua zuen etxea filma aukeratu dute.
Abuztuaren 9an eta 23an antolatu ditu beste bi emanaldiak; lehenengoa Gabierrotan, eta Los Increibles 2 filma emango dute, bigarrena Musika plazan eta Mamma mia. Una y otra vez aukeratu dute.
Laugarren urtez antolatu du udako zinema kalean iniziatiba OzZinemak. helburua: familia guztiari plan dibertigarria eskaintzea. Aukeratu dituen lau filmak ez dira oraindik telebistan eman eta publiko guztiari erantzuteko aukeratu ditu: Animazioa, musikala, superheroiak, eta magia. Euria egingo balu gainera, b plana dute OzZinemakoek, emanaldiak Koldo Mitxelena ikastetxeko jolastoki estalian egitea.
