Gipuzkoako auto saltokirik handiena, Oiartzunen
Gaursa Renaultek bere instalazio berriak ireki ditu. 10.300 metro koadro izango ditu azpiegitura berriak, eta hainbat zerbitzu eskainiko ditu.
Kanpoko argiztapena ere berritu dute. Renault Gaursak bere auto saltoki sarea handitu du. Atzo inauguratu zuten, Oiartzunen, Gipuzkoako auto saltokirik handiena. 10.300 metro koadro izango ditu.
Eraikinaren barruan, 6.000 metro koadro okupatuko ditu honako zerbitzuak eskainiko dituen espazioak: ibilgailu berrien salmenta, eskaintzak, aseguruak, ibilgailuen alokairuak, errepideko asistentzia, mantenu zerbitzu azkarrak, mekanikak eta ordezko piezen salmenta.
Beste 3.000 metro koadro salmenta ondorengo zerbitzuak eskaintzeko gordeko dituzte, Renault markako autoentzako. Horrez gain, Renault St@re gune bat izango dute, bezeroek gustuko ibilgailua osa dezaten, 3D konfigurazioan. Gainera, eskaintzazko 500 ibilgailu daude ikusgai. Kanpoko guneak ere txukundu dituzte, seinalizazio egokia jarriz.
50 urte
Gaursa taldea 1969an sortu zuten, eta Araba, Bizkai eta Gipuzkoan 25 salmenta toki ditu. Atzoko inaugurazio ekitaldian Alex Rodriguez taldeko zuzendari nagusia izan zen, baita Jean Pierre Mesic Renault Iberiako zuzendari nagusia ere.
Automozioarekin lotura zuzenik ez duten agintariak ere izan ziren atzoko inaugurazio ekitaldian. Gaursara hurbildu ziren Bingen Zupiria Kultura eta Hizkuntza Politikako sailburua, Javier Zarraonandia Industria sailburuordea eta Aintzane Oiarbide Gipuzkoako Bide Azpiegituretako foru diputatua.
