Madalenetako txupinazoa udaletxeko balkoitik ikusi nahi?
Bost sarrera bikoitz zozketatuko ditu udalak. Datorren hilaren 12ra bitarte (ostirala) izena emateko aukera izango da.
Iazko txupinazoan bildutako irudi bat. Errenteriako Udalak jakinarazi berri duenez, aurtengo madalenetako txupinazoa udaletxeko balkoitik ikusteko bost sarrera bikoitz zozketatuko dituzte. Zozketan parte hartzeko, webgune honetan eskuragarri dagoen inprimakia bete beharko dute interesdunek. Bestela, ZU! Zure Udala arreta zerbitzura deituta ere egin daiteke (010 zenbakia herritik deitzen bada, edo 943 449 600 kanpotik egiten bada).
Pertsona bakoitzak izena emateko aukera bakarra izango duela diote udaletik. Datorren hilaren 12ra bitarte (ostirala) apuntatzeko aukera izango dute herritarrek. Zozketa, hilaren 15ean egin eta irabazleen izenak 16an Herri Bizian argitaratuko dituzte.
