[Galeria] Otorduz otordu sanferminen azken egunean
Bazkariak dira gaurko protagonistak Antxon. Oarso kalean, herriko marmitakorik onena dastatzeko aukera izan dute. Jubilatuen elkartean ordea, parrillaren alde egin dute.
Jubilatuen elkartean parrilla aukeratu dute, Oarso kalean, lapikoa. Hurbil da amaiera, Gaixoa ni abesteko unea. Lau eguneko jaiei bukaera emango diote gaur Antxon eta askok azken orduak mahai baten inguruan eman dituzte.
Axular plazako usainak argi uzten du Antxoko jubilatuek, badakitela zer den ongi jatea. Euskal Parrilleroen eskutik, egundoko bazkaria egin dute jubilatuen elkartean. Txekor eta arrain erreak, entremes eta entsaladekin lagundu dituzte.
Oarso kalean ordea, herriko sukaldari amateurrak lehian aritu dira. Leunda tabernak berriz ere antolatu egin du Marmitako Desafiyua, Antxoko marmitakorik onenaren bila. Bakar batek irabazi arren, lapiko guztiak hustu dituzte mahaikideek.
HITZA bi bazkarietan izan da. Hauek dira bildutako irudiak.
