Gamongoaren gaineko hitzaldia eta erakusketa Merkatuzarren
Gamongoaren gainean hitzaldia emango dute bihar 18:00etan proiektuaren egileek Merkatuzarren.
Gamongoaren planeamendu aldaketaren erakusketa Merkatuzarrera lekualdatu dute eta eta zabalik izango ditu hilaren 15a arte (astelehena), lanegunetan, 08:00etatik 14:00etara. Halaber, hitzaldia emango dute bihar 18:00etan proiektuaren egileek.
Gamongoko sektorea egokitzeko beharra dagoela ikusi dute udal arduradunek, eta hori dela eta, Hiri Antolamendurako Plan Orokorraren aldaketa egiten hasi dira. Herritarrei ere ekarpenak egiteko aukera zabaldu die udalak eta horri begira, laburpen grafikoa eta edukia biltzen dituen esku orria prestatu du udalak nahi duenak aztertu eta ekarpenak egin ditzan.
Ez da horren harira antolatu duten ekintza bakarra. Pontikako auzo elkartearen egoitzan ere erakusketa egingo du udalak, eta Errenteriako Udalaren webgunean argitaratu egin du proiektua, baita Zamalbideko elkartearen webgunean. Azkenik proiektuaren zabalkunderako materiala banatuko du udaletxeko sarreran eta Zu! Zure Udala arreta zerbitzuan.