Kultur eskaintza oparoarekin dator Mikelazulo
Lehen hitzordua gaur bertan egin du. Iñigo Astiz eta Miren Peñagarikanok poesia errezitaldia egingo dute. Lehenak, bere azken lana aurkeztuko du Analfabetoa (Susa, 2019); bigarrenak, Nik kontrolatzen dut makina aurkeztuko du, berriz. Azken hori, doan jaisteko aukera dago hemen. 19:00etan izango da errezitaldia.
Kultur laborategia da sortu zenetik, eta kultura sortzen, kultura eskaintzen dabil etengabe Mikelazulo Kultur Elkartea. Beheko kaleko bere txokoan, kultur egitarau oparoa prestatu du hilabete honetarako ere. Udarekin batera, ordutegia zabaldu du gainera kultur elkarteak, eta asteazkenetan ere zabalik ditu ateak 17:00etatik 22:00etara. Lehen hitzordua gaur bertan egin du. Iñigo Astiz eta Miren Peñagarikanok poesia errezitaldia egingo dute. Lehenak, bere azken lana aurkeztuko du Analfabetoa (Susa, 2019); bigarrenak, Nik kontrolatzen dut makina aurkeztuko du, berriz. Azken hori, doan jaisteko aukera dago hemen. 19:00etan izango da errezitaldia.
Larunbatean egin dute bigarren hitzordua, 19:00etan ere. Oraingo honetan, Ostomila Txotxongiloen eskutik, helduentzako Loko Kabaret ikuskizun paregabearekin gozatzeko aukera izango da.
Hirugarren hitzordu bat ere egin dute, hilaren 17an (asteazkena) 19:00etan. Samara Velte idazle eta kazetariak Nik sinisten dizut: Bortxaketaren kultura eta San Ferminetako kasua liburua (Elkar, Txalaparta, Jakin, Berria, 2019) aurkeztuko du eta ondoren solasaldia egingo du Oreretako Emakumeen Asanbladako kide batek gidatuta. Ekitaldiaren ondoren, liburua erosteko aukera izango da.
Kulturaz janzteko aukeraz aparte, mokadu goxoa dastatzekoa ere emango du Mikelazulok bere txokoan. Madalenetan, hilaren 20tik 25era zehazki, afari beganoak emango dituzte bertan. Eguneko platera, edaria eta kafea edo infusioa 10 euroan 21:00etatik aurrera.