30 taldek hartuko dute parte Madalenak Cup-en igandean

Kirola, eta bereziki, futbola oinarri hartuta, elkarlana eta bizi ohitura osasungarriak sustatu nahi ditu Madalena Cup kirol ekintzak. Hirugarrenez helduko da igandean.

Kirola, eta bereziki, futbola oinarri hartuta, elkarlana eta bizi ohitura osasungarriak sustatu nahi ditu Madalena Cup kirol ekintzak. Hirugarrenez helduko da igandean, marka guztiak hautsita eta antolatzaileen aurreikuspenak gaindituta, izan ere, 30 taldek eman dute izena parte hartzeko.

Horretarako, Koldo Mitxelena plaza, futbol zelaia bihurtuko dute beste behin ere. Bi kantxa izango dira plazan egun osoan, eta bertatik adin ezberdineko 30 talde pasako dira, guztiak, arratsaldeko azken orduan egingo den finalera heldu asmoz. Antolatzaileak oso pozik azaldu dira hirugarren ekinaldiak jaso duen erantzunarekin, “aurreikuspen guztiak gainditu ditugu, taldeen izen ematea ziztu bizian joan da, eta txapelketak urteetan jarraipena izango duela sinistuta gaude. Gure kiroletako proiektu ludikoaren baieztapena dakar, urtero neska mutil gehiago biltzen dituen proiektua, Madalena Jaien  atariko hitzordu garrantzitsua bilakatu dena”.

Herritar oro gonbidatu dute Koldo Mitxelena plazara bertaratzera igandean, eta eskerrak eman dizkiete antolakuntzan parte hartu dutenei, “guztion lana biziki eskertu behar dugu, bereziki, bere  babes eta laguntzarekin Madalenak Cup antolatzea ahalbidetu duten babesle guztiena. Guztiei gure eskerrik beroena”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.