Fanderiako errotako taberna-jatetxearen kudeaketa esleitzeko lehiaketa atera du udalak
Taberna-jatetxearen kontratua sei urterako izango da, urtebeterako luzatzeko aukerarekin bederatzi urte bitarte, eta 6.000 euroko hasierako kanonarekin.
Errota parean dago taberna-jatetxea. Fanderiako Errota Interpretazio Zentroko taberna-jatetxearen kudeaketa esleitzeko lehiaketa atera du Errenteriako Udalak. Eraikin publiko horrek lehen ere izan duen ingurumen erabilera eta soziala berreskuratu duela da berritasun nagusia, interpretazio zentroa bihurtu baitu.
Taberna-jatetxearen kontratua sei urterako izango da, urtebeterako luzatzeko aukerarekin bederatzi urte bitarte, eta 6.000 euroko hasierako kanonarekin. Inbertsioa egin du udalak ostalaritzako hainbat ekipamendu jartzeko, eta esleipendun suertatzen den enpresak horiek osatzeko aukera izango du. Proposamen ekonomikoaz gain, ezarriko den jatetxe proiektua izango dira esleitzeko irizpide nagusiak; produktu ekologikoak, beganoak, osasungarriak, bertakoak, artisauak eta errespetuzko produkzio sistemetatik datozenak erabiltzea, edota bizikleten alokairua eskaintzeko konpromisoa.
Abuztuaren 6a izango da eskaintzak aurkezteko azken eguna, eta interesdunek informazio gehiago eskura dezakete 943 449 608 telefono zenbakira deituta, posta elektroniko bidez, edota web orrian.
